Abro este tema para que cada un conte a súa experiencia ó respecto e, se quere aporte a información que teña sobre o desenrolo da campaña de recollida de sinaturas da ILP.
Acredito (no que di o peeler). E inda máis útil para o uso do galego no consumo é abrirmos a conversa en galego e continuar en galego. Se a metade dos que simpatizan con propostas como a que abre o fio fixeran dese xeito a cousa mudaria moito.
Se a maiores, mudaran o consumo dependendo da atitude comercial inda mudaba máis. Tamén era interesante, caso de ter a gana e a forza, (porque a gente ja ten leria dabondo) denunciar abusos.
Por suposto que se a xente falase en galego principalmente e por defecto con consciencia de defender a lingua, a cousa mudaría moito.
Pero na realidade moita xente vai ó castelán por “comodidade”, por evitar enfrontamentos, por un “qué máis da” (que si da…)
Eu desenrolo a miña actividade profesional en galego por convencemento e implicación persoal (aínda que supón un certo esforzo extra); pero hai ocasións nas que atopas o desprezo chulesco á atención en galego (ou en castelán ou non hai quen te atenda) e creo que iniciativas como a la ILP son importantes en tanto que darían unha forza individual ó que queira ser atendido en galego.
Xa se fixo unha letra en Carballo para os aniversarios, e agora tamén había que tocar o asunto das esquelas ( que as funerarias non saben, ou non queren saber) .