O pasado 23 de abril, día do libro, publicouse a novela independente “Xarfas”, a cal se produce a través do método de impresión baixo demanda, e que tamén está dispoñible para descargar de balde.
<<Nun mundo asolagado pola represión, a corrupción e a miseria, dispútase unha loita entre os poderosos que defenden o sistema establecido e os que o padecen, algúns limitándose a subsistir, e outros comezando a espertar ante as inxustizas que poden apreciar ao seu redor.
Xarfas é a primeira novela de Alex Pernas (A Coruña, 1986), na que se retratan cruamente as vivencias daqueles que foron golpeados polos xiros dun destino caprichoso e dos causantes da súa fortuna.>>
Pódese mercar e descargar a través das seguintes ligazóns:
Acabo de ler a novela e gostei muito. É claramente material destinado aos chuceiros (incluidos os lurkers). Houvo partes que me emocionarom, aínda que as motivaçons dalgúns personagens nom me quedou clara. Sei que a novela é umha homenagem ás vítimas do terrorismo de estado, mais boto em falta máis claroscuros na moralidade dos protagonistas. Outro ponto interesante que poderia explorar mais é o contraste entre a gente que ainda disfruta das comodidades do que resta de estado de benestar, enfrontada ao poder do estado e ao sufrimento de décadas nom tam pasadas. Mais em geral, gostei muito da novela e até me emocionei nalgúns pasagens, especialmente no titulado “Fogar”. É um bom recordo de situaçoes vividas nos últimos anos.
Ola, umha pergunta: estando o libro a vender no site da Amazon, como é que não está disponível para Kindle ou outro eBook? Mirei que das links para PDF e ePub mais entendo que é pola tua conta. Pergunto porque não sei destas cousas, mais imaginaba que na Amazon vendiam moito desso.
O libro está autoeditado, para o cal utilicei a plataforma CreateSpace de Amazon como forma de producilo en papel, a cal imprime baixo demanda e deixa o libro dispoñible na web de Amazon.
O formato en papel ten un custe, pero decidín distribuílo de balde en formato dixital, así que o adecuei en PDF e EPUB e o publiquei a través desas ligazóns directamente. Esa mesma plaforma da a opción de distribuílo en formato Kindle seguindo un proceso, pero como xa tiña cuberto o formato dixital (non uso Kindle, pero ata onde eu sei permite importar PDF), polo momento deixeino de lado. Non estou moi seguro de se Amazon obriga a pór un prezo nese caso, o cal non tería sentido se é posible conseguilo gratis, pero isto teríao que confirmar.
Hai moitas opcións, se cadra podo mirar de que estea dipoñible noutros formatos, pero entre unha cousa e outra decanteime por estas e agora mesmo está así. En dixital en PDF e EPUB, de balde, a través desas ligazóns, e en papel a través de Amazon, contactando comigo directamente para ver se é posible quedar en persoa (se o hai que enviar coido que economicamente compensa pedilo en Amazon), e dende a semana pasada tamén hai unhas poucas copias na libraría Berbiriana da Coruña.
lin o libro a semana passada. Baixara o PDF para o meu Kindle.
Hai personages que não me parecem credíveis. Debe ser porque trato de os por no contexto que eu conheço, mais parecéronme irreais. Não sei como ponhelo, vou dicir que penso que as cousas agora acontecem doutro xeito.
Agora, as partes “trepidantes” atrapáronme. Sobre todo quando sabes que é um tema de actualidade que leva aumentado a relevancia nos últimos anos. Eu penso que cousas da novela acontecem certamente.
Pérdome un pouco na túa explicación de que algunhas personaxes non che parecen cribles
Explícome.
Non che parecen cribles pola personaxe en si?, é dicir, que unha persoa do mundo real puidese ter eses comportamentos, esa forma de ser, etc?
Se, polo que dis, non che parecen cribles polo contexto, ou porque as cousas agora acontezan doutra forma, gustaríame saber tamén máis do tema , de todos xeitos hai que ter en conta que aínda que a novela se poida ambientar nunha época actual, ou do pasado ou futuro próximos, non ten un ano ou lugar onde acontecen os feitos definidos. Baseei cousas na actualidade, nos anos recentes, algunhas en cousas que aconteceron hai medio século ou incluso hai un século pero, por dicilo dalgunha forma, a sociedade e o lugar onde transcorren os feitos son propios do relato, coas súas particularidades e demais. O cal non quita que sexan pouco cribles igualmente.
Desculpas porque fum de festa e andive algo perdido.
Vai ser que é relacionado có contexto que eu conheço, e são duas cousas:
1- As personages tenhem ums pensamentos ou ideais de bós e maus que semelham de um filme americano de polis um tanto maniqueu, porque o filme vaise mirar em NY, Ribadavia, Shanghai e Nairobi, e hai que procurar que todo o mundo entenda.
2- Notei inda máis o feito de que como (seica polos nomes das personages) situo a ação na GZ, não podo evitar pensar que se ignora o conflito nacional. Pode ser que esteamos numa GZ ceive do futuro com um conflito social interno, mas a realidade que eu conheço é outra, polo que sinto como se se censuraram elementos como o bem conhecido doutrinamento no nacionalismo espanhol practidado em certos corpos, e tambem se ignora o pragmatismo na atitude dos galegos cando ofertam salario e futura pensão.
A ver se me expliquei. Eu não sei de escrever ou literatura. Só botei ideias moi persoais que nem sequera eu mesmo não creio num 100%, e inda pode ser que mude a minha opinião amanhá.
Eu estou com @oFlanaghan em que algumhas personagens estam incompletas, ou polo menos as súas motivaçons nom som evidentes. Semelha que precisam máis desenvolvemento e evoluçom. Qual é a motivaçom dumha pessoa para ser polícia secreta, quintacolumnista, toupa, traidor? Isso é mui difícil de transmitir, e normalmente explíca-se fazendo evoluir ás personagens para adaptar-se ás situaçons que mudam. Em Xarfas acho que isso puido-se desenvolver muito máis.
Aínda assim, eu gostei inmenso da transposiçom da época atual a situaçons vividas num pasado máis recente do que se nos quere fazer ver. Os voos da morte forom onte e as torturas policiais hai nada. Também gostei muito de algúns personagens ambiguos, por isso eu acho que a historia ganharia dando máis dados sobre eles ou exponhendo também as tremendas pressons ás que as personagens negativas foram sometidas para chegarem aos extremos que chegarom. Ás vezes também se esquece que os verdugos também som vítimas do sistema.
No tema do conflito nacional, também acho que puido estar presente, mais nom se pode pedir incluir todo. Sempre vai haber algo que vai faltar. Eu nom mudaria nada da novela tal e como está agora. Espero ler as seguintes e ver outros temas reflexados. As historias complementam-se umhas a outras e todo melhora com a prática, até a escrita.
Pois moitas grazas polas opinións. Tomo nota dos puntos a mellorar para outra idea que teño en mente.
Retomo o tema do kindle que saíu antes, porque outras persoas tamén mo comentaron, algúns porque estea en amazon nese formato, outros porque querían pagar algo pero tampouco o custe dun libro en papel.
Hoxe mesmo publiqueino e está dispoñible en amazon, tamén en castelán, que rematei a traducción e publiqueino neste idioma o mes pasado, así que a publicación en kindle foi nos dous idiomas hoxe (agora a ver se me animo a intentar traducilo ao inglés xD)
Como aparece neste fío o artigo de adiante.gal, comento por se interesa.
Para lanzalo en kindle é bastante sinxelo, só subir a portada e o interior nun formato dos que indican. Permitían EPUB, e como xa o tiña, pois nunha tarde xa o deixei todo preparado.
Respecto ao prezo, neste caso púxenlle 2.99€. Amazon da a opción de pór coma mínimo 0.99, pero nese caso dan ao autor o 35% menos IVE, o cal quedaba en nada, ademais de parecerme bastante abusivo pola súa parte. Dan a opción de ofrecer ao autor o 70% menos IVE, pero para iso obrigan a que o prezo mínimo sexa de 2.99…
Así que puxen iso, que máis ou menos é asequible e de todos xeitos segue estando de balde a descarga en PDF.
Mirei. Não era por f0d3r, mais cando procurei “amazon xarfas” no google, fun dar aquí, mais não daba opção da versão Kindle.
Logo procurei “amazon kindle xarfas” e deu, si. Não sabia que a kindle store era cousa separada dentro de amazon. Antes atopabas a versão kindle (e outras tapa dura, etc.) simplesmente clickando em “ver outros formatos e editions”.
O certo é que non o buscara desa forma en google. Entrando en amazon e poñendo Xarfas sempre me saíron tódalas opcións, tamén o kindle.
Tamén descubrín agora que kindle é cousa separada, de feito non o puiden facer a través de createspace, tiven que usar unha plataforma diferente propia de kindle.
Inicialmente están separados. Suponse que nun prazo de 72 horas se unen e aparece a opción de papel e kindle na mesma edición, como dis ti. Se non acontece así, teríame que poñer en contacto para que o fagan, segundo indican na documentación.
Edito:
Escribín isto onte á noite, acabo de mirar agora (día 31 ás 10:43), e na edición en galego xa aparecen coma o mesmo libro, podéndose mercar en papel e Kindle. En castelán aínda están separados.
En dixital en PDF e EPUB, de balde, a través desas ligazóns, e en papel a través de Amazon, contactando comigo directamente para ver se é posible quedar en persoa (se o hai que enviar coido que economicamente compensa pedilo en Amazon), e dende a semana pasada tamén hai unhas poucas copias na libraría Berbiriana da Coruña.