Foro da emigraçom: diaspora.chuza.gal

Tal e como fora prometido, começa em provas:

http://diaspora.chuza.gal/

A nova web pretende ser um foro de debate e informaçom para os galegos que estamos fóra. O projeto começa a rolar, nas próximas semanas e meses esperemos que chegue a bo término.

Nos próximos dias tentaremos contatar com os donos de http:diaspora.gal, a ver se podemos empregar esse dominio. Todo está ainda por fazer. De momento, podedes contribuir cadastrándo-vos e aportando contidos, ainda que tudo agora é provisional.

5 Likes

Penso que era interesante que o cadastro fose común. Non sei se o idóneo era facer a diáspora como unha sección de Chuza, ou separado pero ligando un ó outro para facer máis masa, que é como melhor se pasa :smile:

Digo eu que fai sentido, se vou mirar no site específico do sitio no que estou emigrado, tamén estarei interesado no que vai na “metrópole”.

Bem, aquí temos muito por debater.

Em primeiro lugar, Chuza é umha marca consolidada, ainda que seja objetivamente um guetto. Chuza está relacionada com um tipo de contido específico ou para que nos entendamos: “es el bloque”. Os temas maioritarios som a política e língua galegas. Engadir novas temáticas é complicado.

Se o que queremos é atraer a outros usuários, outro público estabelecido, é preciso outra marca, outros contidos e outra estructura. Dito isto, se os contidos fosen relevantes, poderia-se fazer um sub-foro (emigraçom), ou mesmo continuarmos a empregar o subdominio. Agora bem, fai-se difícil porque Chuza tem umha pegada mui fonda, para bem ou para mal.

Em Berlim já temos umha série de contidos relevantes que poderiamos empregar na no novo foro. É informaçom de valor que vimos acumulando algúns desde que chegamos a Alemanha e que pensamos que seria ótimo compartilha-la. Contando com isso e fazendo promoçom noutros grupos de galegos expatriados, ao melhor logramos consolidar umha outra pequena comunidade, mais já se verá.

No tema do login, o problema é que Chuza, oQue e a futura Diáspora som projectos separados e ainda que técnicamente seja possível, empregar um único login é técnicamente custoso. A soluçom empregada polo maioria de comunidades é ofrecer o login a través dumha terceira parte. Em Chuza já se pode fazer com Twitter, poderá-se fazer também no foro da Diáspora e talvez também em oQue num futuro. Também temos pensado ofertar máis proveedores, principalmente Facebook e Google+, que som os máis habituais.

1 Like

Eu nao gastaria dinheiro em dominios novos e usaria diaspora.chuza.gal ou chuza.gal/diaspora

Certo que a marca Chuza associa-se a certas cousas mas a imagem de marcar pode mudar se se fazem as cousas bem, mantendo a coerencia e por um periodo de tempo o mais longo possível

1 Like

Entendo o que di o peeler e fai sentido criar unha comunidade online sen peso ou influencia doutros projectos.

Sobre a image de marca de chuza quero tirar ese tópico da “opinión da gente”. Saiu na cóz? Quen opina sobre Chuza? Non sei que image ten a gente de Chuza porque non conhezo a opinión da gente. Penso que eso de que “a gente pensa que chuza é extremista” pode ser outra trola do ministerio da gobernación e non a image que ten a gente, e nós, que non somos máis listos ca o resto dos galegos tamén cremos mais unha outra trola, dos mesmos.

Concordo con esto.

I eu engadiría desconetar dos midia do MdG.

Bem, pois se o pessoal está dacordo, podemos empregar http://diaspora.chuza.gal para o novo projeto, ainda que seria um outro foto independente. Teria a súa marca própia. De feito, “diaspora” é um nome de prova. Ainda estamos a tempo de muda-lo.

A minha ideia é que tenha categorias geográficas. P.ex: Alemanha e dentro dela, Berlin. O mesmo para Londres, dentro de Inglaterra.

2 Likes

Falar de novas e intereses da Galiza asóciase co " el bloque"… … Por que será? :wink:

E non teño máis que decir

1 Like

Eu non quero opinare nen para un lado nen para o outro. Dissen primeiro o de tere todo conetado porque así mo parecía na minha ignorancia, pero logo da explicación do peeler sobre o peso ou influencia dunha marca consolidada entendo que hai que pensar un pouco e decidir os implicados, non eu que non fago parte da comunidade galega de Berlin (inda). Eu apoio todo.

1 Like

Si, esa é outra que inda non caemos da burra. Seguimos a pedir que non sei que de que se escoite a nosa voz en Madrid e tal

Inda máís, esas consideracións negativas non son outra cousa que abuso e aparescen no pensamento pola presión social, ergo —> toma sete tasas. Estamos julgados de hai tempo ja, non temos que nos desculpar :slight_smile:

1 Like

O debate pode continuar. No verao o uso e abuso de internet cae muito, assim que temos tempo de prepararmos a nova comunidade.

Podemos comezar tranquilamente por empregarmos o subdominio diaspora.chuza.gal.

Enxeñeiros da Universidade da Coruña lanzan a aplicación Mapa dos Galegos
A web localiza galegos nos 5 continentes e aplica algoritmos para coñecer os seus intereses

O tema é que tal como estamos de usuários, nom merece a pena de momento fazermos um portal para a emigraçom. Talvez máis adiante. Haverá que ver que fazemos mentres tanto, tendo em conta os limitados recursos humanos que temos.

Polo menos aínda seguimos tendo visitas.

Averamaria puríssima.

Semelha que o olizinho marchou a comer Sauerkraut. Quando eu votava, ganhava o bipartito, que ostias andais a fazer com as eleicöes ? (ainda tenho o teclado sem mudar para galego-internacional : P)

2 Likes

Acho que hai tempo que non vota :wink:

2 Likes
2 Likes

Ligadas:


https://twitter.com/SerafinPazos/status/799579354858713089

https://twitter.com/fendaGZ

Canle do Centro Galego en Buenos Aires

1 Like
1 Like