Este espectáculo, no que participa facendo a selección de textos o galego Sergio Salgado, é unha historia absolutamente real e como tal é dramática, pero, sobre todo, absurda e atrozmente cómica. Caja Madrid (hoxe Bankia), produciu por si soa a sétima parte do buraco de centos de miles de millóns que constitúe a fenda na economía que se
chamou “crise”.
A trama que desvelamos cos “Correos de Blesa” é a trama de como se creou esta “crise”.
Hoxe, aqueles que abrimos o caso Bankia e fixemos que os “Correos” e
as Tarxetas Black visen a luz, imos contar como ocorreu realmente a
historia.
Usaremos palabras textuais que deixaron escritas os banqueiros e
políticos que a perpetraron. Veremos desde dentro, desde a sala de
máquinas, como se crea unha “crise”, pero tamén como, contra todo
prognóstico, cambiamos o final que tinhan previsto.
Esta historia gózase como unha labazada ao silencio desapiadado e rutineiro da impunidade.
Con: Josep Julien, Albert Pérez, Elies Barberá
