Aquí um breve resumo do estado atual da web. Imos por partes.
Primeiro, fixemos outro intento de instalar o plugin de chat. Segue sem funcionar, polo que haverá que esperar polo fedelho. Aproveitamos para atualizarmos a web, e incorporamos algumhas melhoras menores no aspecto gráfico que venhem de série com a última versom do Discourse.
O número de visitas, sempre afectado polo baile de dominios, aumentou desde que começamos esta nova etapa. Com o software atual, podedes ver o número de visitas que tem cada tópico. De lograrmos chegar ao triple dígito (+ de 100 visitas por tópico de media) teremos logrado outro fito.
Ainda que o número de visitas atuais pode parecer pequeno, há um dato mui esperançador. A analítica de Google indica un ratio de rebote, isto é, de usuários que permanecem na página máis de 30 segundos, inferior ao 5%. Canto máis pequeno, melhor, e pessoalmente nunca vira umha web cum ratio tam baixo. Traduzido: Chuza “engancha” aos usuarios que se achegam a ela.
As maiores fontes de visitas, ademáis da web antiga, que aínda achega moito tráfico á nova, está sendo Twitter. As redes sociais som indispensáveis hoje em dia, polo que quanta máis difussom nelas, melhor.
Por último, se ainda nom a provastes, a versom web móbil de Chuza é plenamente funcional, e sem dúvida merece botar-lhe umha olhada. Para isso, simplesmente abonda com ir ao endereço habitual de Chuza com o navegador do telemóbil. O software já se encarrega de apresentar a versom adaptada a esse formato de pantalha (ou ecram para os chuzeiros máis puristas).
Saúde!