Para os que nom o conheçades, https://brave.com/ é um navegador de nova geraçom orientado a distribuir os beneficios da publicidade online. O sistema está explicado em inglés na propia web, máis provalmente em breve estará também noutras línguas.
Brevemente: o navegador permite activar unha carteira cumha criptomoeda, que agora mesmo se está a regalar como promoçom, com a condiçom de que eses fundos seram empregados para pagar ás webs que o usuário visite. O navegador incorpora também um bloqueador de publicidade, com o objetivo de que o usuário poda controlar a propaganda que recebe.
O sistema é complexo, máis acho que paga a pena experimentar com estes novos conceptos, que som os que aspiram a regir web nos próximos anos.
Ben!, coñezo e úsoo no móbil. Parabéns pola idea. comparto o alento de fondo que te move. Vou probar a incorporalo.
Xúrdeme a dúbida de se comomusuario de brave podo facer algo en relación coa miña presenza no chuza. Se para partilhar eiquí podo usar algún complemento do brave, ou en definitiva, cómo podería usalo para que redunde en + ao chuza…
Decátome de que son preguntas moi básicas e non estou sendo muy claro (porque non o teño), máis o meu ciberactivismo é de edición de contidos e redes e plataformas sociais, máis alá dun CMS non dou.
Agora mesmo, Brave está dando BAT gratuíto algúns días para promoverem o navegador e a criptomoeda. BAT significa “Unidade de Atención Básica” e tenta ser umha maneira de medir a atención ou o interese que desperta um contido online, habitualmente umha web.
O esquema vém sendo que os anunciantes pagam pola súa propaganda, o que se converte em BAT, umha criptomoeda. Esse BAT pasa logo aos usuarios que vém esses anuncios, que podem escolher em que webs querem repartir esse dinheiro. O navegador emprega algoritmos que reparte os fundos dependendo do tempo que se invirte e dos contidos que se visitem.
BAT tem umha cotizaçom em moedas “fiat”, máis de momento é apenas um experimento. Aínda assim, Chuza segue a ter visitas abondo como para provar o sistema. Daremos conta dos progressos, máis acho que haverá sorte se conseguimos uns poucos céntimos ao mes.
