Em 1984, a Associaçom Galega da Língua (AGAL) publicou A luz ressuscitada, de Manuel Maria. Com a obra do escritor chairego, o carimbo editorial da entidade reintegracionista estreava a coleçom ‘Criaçom’. Três décadas depois, A luz ressuscitada estreia a secçom de livros eletrónicos da Através Editora, o atual selo editorial da AGAL.
Esta ediçom é fruto de um labor de digitalizaçom do livro original. As páginas scaneadas fôrom submetidas a um reconhecimento automático do texto; após isso, foi feita umha correçom manual para detetar eventuais erros. Quanto à diagramaçom, foi realizada ex novo, tentando-se que fosse o mais fiel possível da original.
Quem descarregar este livro, totalmente gratuito, obterá um ficheiro comprimido em formato ZIP. No seu interior encontrará o livro digitalizado em formato PDF e também em ePub, para umha melhor experiência em dispositivos eletrónicos.
http://www.atraves-editora.com/loja/e-livros/105-a-luz-ressuscitada.html